Latest News


Kinder, humakot ng panalo sa festival talents

posted Nov 26, 2018, 3:49 PM by JONAROBESA DOMINGO

Humakot ng panalo ang mga mag-aaral ng Kindergarten sa ginanap na 6th Division Kindergarten Festival of Talents.

                  Nasungkit ni Dave Vincent Enriquez ang 1st Place sa Poem Recitation-Ang Mahika sa Kindergarten, kung kaya’t muli siyang lalaban para sa Regional Kindergarten Festival of Talents sa Sta. Maria Bulacan sa Nob. 21.

                  Pasok naman sa 2nd Place sa Coloring si  Kyle Venisse Ysmael, 3rd Place sa Draw and Tell-Ang Buhay Kindergarten ang nakamit ni Andrea Christina Pascual at 6th Place naman sa Story Telling-Ang Hangad ng Munting Puno si Kiel Aldrich Echaluse.

Sumailalaim sa pagsasanay nila Gng. Sarah M. dela Rosa at Bb. Princess Sarah P. Robles, mga guro sa Kindergarten, ang mga piling mag-aaral na lumahok sa Kindergarten Festival of Talents.

“Sulit na sulit ang pagod at pagsasanay na ginawa namin sa kanila katuwang rin ang kanilang mga magulang,”pahayag ni Gng. Dela Rosa.


Berceles, sasabak sa RSPC

posted Nov 26, 2018, 3:34 PM by JONAROBESA DOMINGO   [ updated Nov 26, 2018, 3:36 PM ]

                                  

 

 Sasabak sa Regional School Press Conference (RSPC) sa Malolos, Bulacan, Nobyembre 19-21, si Aliyah Berniez M.  Berceles  matapos pumangalawa sa Photojournalism ng Division School Press Conference (DSPC) sa City of Balanga National Highschool (COBNHS) noong Nobyembre 5-7.

                  “Hindi ko po inaasahan na mananalo ako ng ikalawang puwesto sapagkat kinakabahan po ako,”kuwento ni Aliyah.

                  “Nakinig po akong mabuti sa speaker namin na si Sir Joemar at inaplay ko po ang mga itinuro ni Ma’am Jona sa akin,”dagdag pa niya.

Sinanay ni Gng. Jonarobesa P. Domingo si Berceles sa pagkuha ng larawan tuwing hapon bago mag-uwian.

“Sobrang saya ko hindi lang dahil nanalo si Aliyah kundi matulungin din siyang bata,”sabi ni Gng. Domingo.

“Binigyan pa niya ng pambili ng ice cream yung isang bata sapagkat lumapit daw ito sa kanya at nagsabing wala itong baon,”kuwento ni Gng. Domingo.

Naghahanda pa lalo si Berceles para sa laban niya sa RSPC.

Samantala, wagi rin naman ng ikaapat na puwesto sa DSPC sina Cristine Ann Nadura, Pagsulat ng Balita,  Ian Pantaleon, Pagsulat ng Balitang Isports sa pagsasanay ni Bb. Cherrylyn S. Roque at ikalimang puwesto sa Photojournalism si Calix Jcob P. Domingo sa pagsasanay pa rin ni Gng. Domingo.

 

50th Alumni Homecoming, dinaluhan

posted Mar 15, 2018, 2:08 AM by JONAROBESA DOMINGO

Dinaluhan ng 325 alumnus ang 50th Alumni Homecoming ng Paaralang Elementarya ng Tuyo, Disyembre 23, 2017 upang bigyang-daan ang muling pagsasama-sama ng mga naging mag-aaral ng paaralan makalipas ang limampung taon.

                 Nagbigay-saya ang mga dumalo sa pagdiriwang mula batch 1967 hanggang batch 2017 nang magkita-kita na sa isinagawang misa-pasasalamat sa pangunguna ni Rdo. Pde. Rejine Tenorio, assistant priest ng Saint Joseph Cathedral bilang panimula ng nasabing okasyon.

 Pinangunahan ni Gng. Leah C. Barcelonio, pangulo ng General Parent-Teacher Association o GPTA at mga opisyales nito ang paghahanda at pagsasa-ayos ng pagdiriwang katuwang ang mga guro.

                 Nakalikom ng halagang Php 10, 930.00 mula sa mga dumalong batch na magbigay ng boluntaryong pledge upang makatulong sa pangangailangan ng paaralan sa bawat batch sa pangunguna ng GPTA officers.


Bagong Pamunuan ng GPTA, Nanumpa

posted Sep 25, 2017, 11:37 PM by JONAROBESA DOMINGO   [ updated Sep 25, 2017, 11:58 PM ]

   Nanumpa ang mga bagong halal na GPTA at HRPTA ng aming paaralan sa 9th Educ-Summit na ginanap sa Lou-is Resort and Restaurant noong Agosto 25, 2017 sa pangunguna ni Mayor Francis Anthony S. Garcia.
    Nahalal bilang pangulo ng Tuyo ES GPTA si Gng. Leah C. Barcelonio, pangalawang pangulo si G. Zozimo ALintavo, kalihim si Gng. Leonilyn Muñoz, ingat-yaman si Gng. Marivic Pantaleon, at taga-suri si Gng. Cristina Isidro.
    Kasama nilang nanumpa ang mga pamunuan ng bawat klase ng Tuyo ES.
    Dumalo rin sa naturang Summit ang mga guro ng nasabing paaralan.
    

Ika-50 Pagtatapos ng Tuyo ES,ginanap

posted May 1, 2017, 4:49 PM by Jonarobesa Domingo

  
 
Ginanap ang ika-50 taon ng Pagtatapos sa Paaralang Elementarya ng Tuyo noong Abril 6, 2017 ganap na alas-9 ng umaga. 91 mag-aaral ang nagsipagtapos sa araw na iyon.
    Nakamit nina Mark Joshua V. Lingad, Roel L. Signio, Kiara Mae G. Alfonso, Jobert Andrew M. Manrique at Hannah Christelle P. Caragay ang Academic Excellence Award with Honors.
    Naging panauhing Tagapagsalita si Gng. Ma. Cristina S. Pimpinio, Batch 1981, Manager at Vice President ng Development Bank of the Philippines.
    Pinangunahan nina Gng. Violeta M. Mena, Gng. Carolina S. Violeta, Gng. Jeannete L. Andales, Bb. Ellen C Macaraeg, Gng. Flordeliza del Rosario at Mayor Francis Anthony S. Garcia ang nasabing pagtatapos.
    

Paglahok sa Hour of Code, Ikinasabik ng mga Mag-aaral

posted Dec 9, 2016, 3:13 PM by Jonarobesa Domingo

 
Lumahok ang mga mag-aaral mula ika-apat hanggang ika-anim na baitang ng Tuyo ES sa Hour of Code na inilunsad ni Congressman Joet Garcia. Ito ay ginanap mula Disyembre 5-11 sa E-Classroom ng paaralan.
    "Bawat isa ay gusto ng humawak ng computer ng malaman nilang maglalaro sila ng Minecraft. Karamihan sa mga mag-aaral ay pumapalakpak pa at napapataas ang kamay kapag nagagawa nila ang task,"pahayag ni Gng. Jonarobesa P. Domingo, ICT Coordinator ng paaralan.
    "Halos lahat ay marunong na humawak ng computer pero may ilan na sobrang lamig ng kamay dahil first time daw nilang maglalaro sa computer,"dagdag pa niya. 
    Ang mga mag-aaral ay naglaro ng Minecraft na kung saan may task na dapat maisagawa upang makapunta sa susunod na level. Binibigyan ang mga mag-aaral ng certificate kapag natatapos nila ang Level 1-14.

Oplan Tokhang Binigyang Linaw sa mga Mag-aaral

posted Dec 3, 2016, 9:16 PM by Jonarobesa Domingo   [ updated Dec 3, 2016, 9:25 PM ]

   
Upang maliwagan ang mga mag-aaral sa intermedya tungkol sa masasamang epekto ng droga, nagsagawa ng film showing at lecture  sa school plaza ng Tuyo ES noong Nobyembre 29, 2016.
    Kabi-kabila ang mga balita sa radyo at telebisyon hinggil sa Oplan Tokhang ng Pangulong Duterte kung kaya't sa murang edad pa lamang ng mga mag-aaral ng aming paaralan ay iminumulat na sila hinggil sa maaaring mangyari sa isang tao kapag gumamit ito ng ipinagbabawal na gamot.
    Pinangunahan ni Bb. Cherrylyn S. Roque ang nabanggit na gawain bilang bahagi ng pagdiriwang para sa Buwan ng Nobyembre ng Drug Abuse and Control Week katuwang niya ang iba pang guro ng intermedya sa pagsasakatuparan nito.

Brigada Eskwela 2016, pinagtulungan ng mga volunteers

posted Jun 18, 2016, 8:09 PM by Jonarobesa Domingo   [ updated Jun 18, 2016, 8:12 PM ]

    Pinagtulungan ng mga volunteers ang ginanap na Brigada Eskwela ng Tuyo ES. Nagmula sa iba't ibang samahan ang mga tumulong upang maging matagumpay ang BE 2016. Nakilahok ang mga magulang, Alumni, 4 P's, PNP, BFP, Sangguniang Barangay, Shop 72, Church of the Latter Day Saint's, Jesus Miracle Crusade, Jollibee, Pandayan Bookshop, Shakey's, Toyota Bataan at marami pang pribadong kumpanya at indibidwal.
    Isinagawa ang BE 2016 noong May 30-June 4. Isang linggong inihanda ng mga volunteers ang paaralan ng Tuyo para sa darating na pasukan.
    Malaking bahagi ang ginagampanan ng mga volunteers upang maging handa at ligtas ang mga paaralan para sa panunuran 2016-2017.
    Taos-puso ang aming pasasalamat sa lahat ng nakiisa sa aming Brigada Eskwela.

Ika-49 na Pagtatapos

posted Apr 6, 2016, 4:11 PM by Jonarobesa Domingo   [ updated Apr 6, 2016, 4:54 PM ]

  
 
87 mag-aaral ang matagumpay na nakapagtapos sa ginanap na ika-49 na Pagtatapos ng Tuyo ES noong Marso 29, 2016.
    Si Engr. Danilo Salazar, Batch 1979, ang guest speaker sa araw na iyon. Siya ay kasalukuyang natatrabaho bilang Deputy Manager for VIscas Corporation sa UAE.
    Dinaluhan nina Dr. Carolina S. Violeta, OIC to the Office of the SDS, Mr. Armando Capili, OIC to the Office of the ASDS, Dr. Merlinda T. Tablan, CID Chief, Bb. Lorna V. Guinto, area supervisor at ilang punung-guro ang nasabing pagtatapos. 
    Nakamit ni John Melvin Mendoza ang pinakamataas na karangalan para sa Batch 2015-2016.
    Naluha ang mga magulang sa ginawang sulat at inihandang awit ng kanilang mga anak. Lubos na kaligayahan ang kanilang nadarama sa araw na iyon.
     
    

Feb-ibig, Pre-Valentine's Party

posted Feb 18, 2016, 2:18 AM by Jonarobesa Domingo

 Pulahan ang lahat ng mga mag-aaral, guro at magulang ng Tuyo E/S sa pagdiriwang ng kanilang Pre-Valentine's Day Party noong Pebrero 12, 2014.

Nagkaroon ng maikling programa upang kilalanin ang mga nanalo sa signature campaign ng Mr. and Ms. Hearts 2016 kung saan itinanghal na nanalo sila Jobeth Angelo Magat, mag-aaral mula sa VI-Earth at Fatima Anne dela Pena, mag-aaral mula sa III-Narra na kung saan ang nalikom na pondo ay ipambibili ng mga instructional materials ng mga guro tulad ng TV at projector.

Humataw ang lahat sa oras ng kanilang Dance Party. Hindi naman nakalimutang ipadama ng mga mag-aaral ang kanilang pagmamahal sa kanilang mga magulang at mga guro kaugnay na rin nasabing pagdiriwang.

Kasamang nagdiwang ng Araw ng mga Puso ng mga taga-Tuyo E/S ang aming area supervisor na si Bb. Lorna V. Guinto, mga GPTA Officers sa pangunguna ng kanilang pangulo na si Gng. Josephine Magat at kumatawan naman para sa mga opisyales ng barangay si G. Danilo Barinque.


1-10 of 27